Skrifað af: Helga Sæmundsdóttir | 05. Mars 2010

Kæru laganemar!

Mánudaginn 8. mars verður Lögrétta 7 ára!

Af því tilefni verður nemendum og starfsmönnum lagadeildar boðið upp á dýrindis afmælistertu ásamt gos/kaffi í fundarherberginu á 4. hæð (stofa 410) frá klukkan 12 - 13.

Auk þess mun Laugar Spa bjóða heppnum aðila að njóta fullkominnar afslöppunar á baðstofunni fyrir tvo.

Skrifað af: Unnur Lilja Hermannsdóttir | 05. Mars 2010

Málfundafélag Lögréttu kynnir:

-   Í tilefni 7 ára afmælis Lögréttu 8. mars  -

Hátíðarmálfund sem haldinn verður þriðjudaginn 9. mars 2010, kl.13:10 í stofu 231b í Háskólanum í Reykjavík, Ofanleiti 2.

Umræðuefni fundarins að þessu sinni er:

Staða ráðherraábyrgðar að landsrétti; eru ráðherrar ábyrgðarlausir að lögum?

Framsögumenn eru:

Arnar Þór Jónsson, lögmaður og stundakennari við lagadeild HR.

Helgi Magnús Gunnarsson, formaður Ákærendafélags Íslands, saksóknari efnahagsbrota og stundakennari við lagadeild HR.

Atli Gíslason, hrl. og formaður þingmannanefndar til að fjalla um skýrslu rannsóknarnefndar Alþingis.

--------------------

Fundurinn mun standa í rúma klukkustund. Gert er ráð fyrir fyrirspurnum úr sal að loknum framsöguræðum.

Skrifað af: Helga Sæmundsdóttir | 01. Mars 2010

Lögrétta kynnir:                   

Kokteil í Auði Capital og vísindaferð í Loga í Beinni

Hvenær?   Föstudaginn 5. mars kl 17.30 / 20.30

Hvar?        Auður - Borgartún 29, 3. hæð.
                   Logi - Laugarvegur 176
                   (Gamla sjónvarpshúsið, gengið upp meðfram Red  Chili og inn í portið
                   til hægri)

Hve margir?       Auður – Einungis 50!
                              Logi - Einungis 20 !!

Þeir sem fara til Loga þurfa að vera mættir stundvíslega og fá bæði pizzur og fljótandi veigar við komuna. Tökur standa til 23.30 og samkvæmt okkar heimildum er brjálað gaman í sjónvarpssal og sætin mjög eftirsótt!

Auður Capital, fyrir þá sem ekki vita, veitir fjárfestingatengda þjónustu, þar með talið eignastýringu og vörslu séreignarsparnaðar, fyrirtækjaráðgjöf og rekstur fagfjárfestasjóða. 

Auður hefur starfsleyfi sem verðbréfafyrirtæki og starfar undir eftirliti FME.

Auður Capital var stofnað árið 2007 með það að markmiði að auka jafnvægi og fjölbreytni í fjármálaþjónustu.  Þau telja að í fjármálageiranum hafi skort hreinskiptin samskipti, heiðarleika og ábyrgð.  Í starfsemi sinni leggja þau áherslu á langtímaárangur og virðingu gagnvart einstaklingum, samfélagi og umhverfi. 

 Eftir kokteilinn verður haldið á Hverfisbarinn okkar góða og verður bjór í boði meðan birgðir endast, gegn framvísun félagsskírteinis!

Skráning hefst miðvikudaginn 3. mars kl 11.55 á innra netinu.