Á föstudaginn stóð nemendafélagið fyrir keilu þar sem Lögrétta og Markaðsráð mættust í harðvígri rimmu. Á endanum stóð Lögrétta uppi sem sigurvegari annað árið í röð og spurning er hvort þetta sé ekki hin rétta íþrótt laganema eftir vægast sagt slaka frammistöðu á síðustu ólympíuleikum.

Stigahæstu leikmenn mótsins voru þeir Böðvar, Jakob Björgvin og Guðjón Bjarni en þess má geta að tveir síðast nefndu eru meðlimir í nafnlausa keilufélaginu. Á mótinu varð einnig ljóst að Guðmundur Kári eða Mundi eins og hann er kallaður, er skotfastasti keiluspilari Lögréttu en hann náði að varpa kúlunni á ótrúlegum 35.4 km. km. hraða á kl.st. Ragnar Björgvinsson þótti með fallegasta stílbragðið en það samanstóð af hinni hefðbundnu sveiflu en jafnframt þar til gerðri stungu þar sem hann fylgdi kúlunni eftir án þess þó að það bæri tilskilinn árangur.

Myndir koma inn bráðlega.

Sælir kæru HR-ingar.

Senn líður að útgáfu veglegs háskólablaðs á vegum nemenda í HR og eitt af markmiðum blaðsins er að gefa nemendum skólans tækifæri til þess að sýna hvað í þeim býr.

Við ætlum að halda ljósmyndakeppni og munu valdar myndir birtast í blaðinu. Besta myndin að mati dómefndar mun svo hljóta 10.000 króna gjafabréf frá Levi's í verðlaun.

Blaðið verður gefið út í talsvert stóru upplagi og er þetta því frábær vettvangur til þess að koma nafni sínu og hæfileikum á framfæri. Við hvetjum þess vegna alla til þess að taka þátt óháð reynslu eða tækjabúnaði.