Lögfræðistörf hjá Arion Banka
| 04. Febrúar 2010
Arion banki hf. óskar eftir að ráða laganema í hlutastörf í lögfræðiráðgjöf og lögfræðiinnheimtu bankans í vor og/eða sumar. Um fleiri en eina ráðningu er að ræða, í 3-6 mánuði í senn.
Starf laganema mun felast í því að aðstoða starfsmenn lögfræðiráðgjafar / lögfræðiinnheimtu bankans. Vinnutími er sveigjanlegur.
Æskilegt er að umsækjendur séu á 4. eða 5. ári laganámsins. Nauðsynlegt er að umsækjendur hafi tamið sér sjálfstæð og öguð vinnubrögð.
Lögfræðisvið bankans skiptist í lögfræðiráðgjöf og lögfræðiinnheimtu. Starfsmenn lögfræðiráðgjafar bankans fást við ýmis verkefni, s.s. lögfræðilega ráðgjöf við yfirstjórn og flest svið bankans, samningagerð, vinna við endurskipulagningu fyrirtækja og annars konar lögfræðileg verkefni. Meðal verkefna starfsmanna lögfræðiinnheimtu er lögfræðileg innheimta krafna, gerð lána- og veðsamninga og málflutningur.
Meðal helstu réttarsviða sem á reynir eru félagaréttur, kröfuréttur, samningaréttur, verðbréfamarkaðsréttur og réttarfar.
Áhugasamir sæki um starfið á vefsíðu bankans, www.arionbanki.is og sendi með ferilskrá og yfirlit yfir einkunnir.
Nánari upplýsingar veitir Ásrún Arnþórsdóttir á starfsmannasviði, sími 444 6395, netfang: Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. .
Umsóknarfrestur er til og með 20. febrúar nk.
