Trúnaðarmenn
Hver árgangur í lagadeildinni skal tilnefna trúnaðarmann úr sínum röðum til þess að taka við athugasemdum frá nemendum lagadeildar. Stjórn Lögréttu skal sjá til þess að trúnaðarmenn séu kosnir eigi síðar en 1. október ár hvert. Formaður Lögréttu myndar hagsmunaráð laganema ásamt trúnaðarmönnum sem hafa það hlutverk að marka stefnu Lögréttu í málefnum sem varða laganámið almennt og kennsluhætti.
Trúnaðarmaður gegnir því hlutverki að vera til staðar fyrir samnemendur sína til að taka við kvörtunum eða ábendingum um hvað megi betur fara að því er varðar hagsmuni sem snerta námið. Trúnaðarmenn eru fulltrúar síns árgangs og koma erindum á framfæri við formann stjórnar nemendafélagsins og rektor lagadeildar.
